Mistari ya Biblia Kuhusu Jipatie Hekima
Mistari 7 ya Biblia kuhusu Jipatie Hekima ya kusoma, kutafakari, na kuikariri.
Hekima huanzia hapa: pata hekima. Tumia vyote ulivyo navyo, ikibidi, ili upate ufahamu.
Heri mtu aliyeipata hekima, yule aliyejipatia ufahamu, kwa maana anachokuletea kina thamani kuliko fedha, na faida yake ni bora kuliko dhahabu.
Ni bora kiasi gani kupata hekima kuliko dhahabu, kuchagua ufahamu kuliko fedha!
Kwa maana hekima ina thamani kuliko marijani nyekundu; hakuna kitu unachoweza kutamani kinachokaribia kuwa kama yeye.
Inunue kweli wala usiiuze kamwe; jipatie hekima, nidhamu na ufahamu.
Mwanangu, ukiyashika ninayokuambia na kuzificha amri zangu kama hazina, hata sikio lako likaitegea hekima na moyo wako ukaelekea ufahamu; ukiililia busara kwa kweli na kupaza sauti yako kuuita ufahamu, ukiitafuta kama vile ungetafuta fedha, na kuiwinda kama hazina iliyozikwa, ndipo utakapotambua kumcha BWANA ni nini, nawe utagundua maana ya kumjua Mungu.
Kupata akili ni kujipenda mwenyewe; kushika ufahamu ni kufanikiwa.