Mistari ya Biblia Kuhusu Milele pamoja na Bwana

Bwana mwenyewe atashuka kutoka mbinguni kwa sauti kuu ya amri, kwa mwito wa malaika mkuu na kwa sauti ya tarumbeta ya Mungu, na wafu walio wa Kristo watafufuka kwanza.

Baba, wale wote ulionipa: ni mapenzi yangu kwamba nao wawe pamoja nami pale nilipo, wauone utukufu wangu, ulionipa kwa sababu ulinipenda kabla ya kuumbwa kwa ulimwengu.

Kisha nikasikia sauti kubwa kutoka kwenye kiti cha enzi: “Tazama, makao ya Mungu yako pamoja na wanadamu! Atafanya makao yake pamoja nao, nao watakuwa jamii za watu wake; Mungu mwenyewe atakuwa pamoja nao.

Wema na upendo usiokoma hakika vitanifuata mbio kila siku ninayoishi, nami nitarudi nyumbani katika nyumba ya BWANA kwa siku zangu zote zijazo.

Na nikiisha kwenda na kuwaandalia mahali, nitarudi na kuwachukua ili mkae pamoja nami, ili ninyi pia mwe pale nilipo.

Usiku hautakuwapo tena, wala hawatahitaji nuru ya taa wala nuru ya jua, kwa sababu Bwana Mungu atakuwa nuru yao; nao watatawala milele na milele.

Hata hivyo, niko pamoja nawe siku zote; wewe umenishika mkono wa kuume. Unaniongoza kwa mashauri yako ya hekima, na mwishowe wewe utanichukua katika utukufu.

Basi tuna moyo mkuu, nasi tungependa zaidi sana kuhama kutoka katika mwili na kukaa nyumbani pamoja na Bwana.

Ninavutwa pande mbili. Hamu yangu ni kuondoka katika maisha haya na kuwa pamoja na Kristo, kwa maana hilo ni bora zaidi sana.

Ulimwengu unapita, na tamaa zake pamoja nao; lakini anayetenda mapenzi ya Mungu anakaa milele.