Mistari ya Biblia Kuhusu Kurudi kwa Kristo
Mistari 8 ya Biblia kuhusu Kurudi kwa Kristo ya kusoma, kutafakari, na kuikariri.
Wakasema, “Wanaume wa Galilaya, kwa nini mnasimama hapo mkiangalia juu angani? Yesu huyu aliyechukuliwa kutoka kwenu kwenda mbinguni atakuja kwa namna ileile mliyomwona akiondoka kwenda mbinguni.”
Bwana mwenyewe atashuka kutoka mbinguni kwa sauti kuu ya amri, kwa mwito wa malaika mkuu na kwa sauti ya tarumbeta ya Mungu, na wafu walio wa Kristo watafufuka kwanza. Kisha sisi ambao bado tuko hai, tuliobaki, tutanyakuliwa pamoja nao hadi mawinguni ili tumlaki Bwana angani. Tangu hapo tutakuwa pamoja na Bwana siku zote.
Kisha ishara ya Mwana wa Adamu itaonekana angani. Kila kabila duniani litaomboleza, nao watamwona Mwana wa Adamu akija juu ya mawingu ya angani, akiwa na nguvu na utukufu mkuu.
“Tazama, ninakuja upesi, nami ninaleta ujira wangu pamoja nami, kumlipa kila mtu kwa kadiri ya alichotenda.
huku tukingojea tumaini la heri, yaani kuonekana kwa utukufu wa Mungu wetu mkuu na Mwokozi, Yesu Kristo.
Kwa hiyo kaeni macho, kwa kuwa hamjui ni siku gani Bwana wenu atakuja.
Tazama! Anakuja pamoja na mawingu. Kila jicho litamwona, hata wale waliomchoma, na makabila yote ya dunia yatajipiga vifua kwa huzuni kwa sababu yake. Ndiyo! Amina.
Lakini siku ya Bwana itakuja kama mwizi. Siku hiyo mbingu zitapita kwa mvumo mkubwa, vitu vya msingi vitawaka moto na kusambaratika, na dunia pamoja na matendo yaliyofanywa juu yake yataonekana wazi.