Mavesi a m'Baibulo Onena za Kusinkhasinkha
Mavesi 11 a m'Baibulo onena za Kusinkhasinkha oti muwerenge, musinkhasinkhe, ndi kuloweza.
Koma chikondwerero chake chili mʼmalamulo a Yehova ndipo mʼmalamulo akewo amalingaliramo usana ndi usiku.
Uziwerenga Buku la Malamuloli, uzilingalira zolembedwa mʼmenemo usana ndi usiku, kuti uchite zonse zimene zinalembedwamo. Ukamatero udzapeza bwino ndi kupambana.
Ndimalingalira malangizo anu ndipo ndimaganizira njira zanu.
Mawu a mʼkamwa mwanga ndi zolingalira za mu mtima mwanga zikhale zokondweretsa pamaso panu, Inu Yehova, Thanthwe langa ndi Mpulumutsi wanga.
Ndimakumbukira masiku amakedzana; ndimalingalira za ntchito yanu yonse, ndimaganizira zimene manja anu anachita.
Ndithu, ine ndimakonda malamulo anu! Ndimalingaliramo tsiku lonse.
Pa bedi panga ndimakumbukira inu; ndimaganiza za Inu nthawi yonse ya usiku.
Ndidzakumbukira ntchito zanu ndi kulingalira zodabwitsa zanu.”
Potsiriza, abale, muziyika mtima wanu pa zinthu zilizonse zabwino ndi zotamandika monga, zinthu zoona, zinthu zolemekezeka, zinthu zolungama, zinthu zoyera, zinthu zokongola ndi zinthu zosiririka.
Zolingalira zanga zikhale zomukomera Iye, pamene ndikusangalala mwa Yehova.
Adzayankhula ulemerero wokongola waufumu wanu, ndipo ine ndidzalingalira za ntchito zanu zodabwitsa.