Bavɛrsɛ ya Biblia na ntína ya Boninga
Bavɛrsɛ 13 ya Biblia na ntína ya Boninga mpo na kotánga, kokanisa, mpe kokanga na motó.
Molingami alingaka tango nyonso, mpe akomaka ndeko na tango ya pasi.
Moto oyo azalaka na balingami ebele amitiaka na pasi, kasi ezali na molingami moko ya motema, oyo aleki ata ndeko.
Bolingo oyo eleki monene ezali: kokaba bomoi mpo na balingami.
Mafuta mpe malasi esepelisaka motema, mpe molingami malamu apesaka toli na motema ya esengo.
Bato mibale bazali malamu koleka moto moko, pamba te bakozwa lifuti ya malonga na mosala na bango. Soki moko akweyi, moninga na ye akoki kosunga ye; kasi mawa na moto oyo akweyi mpe azangi moto oyo akosunga ye!
Bapota oyo molingami azokisi ezali malamu koleka babeze ebele ya monguna.
Bozali baninga na Ngai soki bozali kosala makambo oyo nazali kotinda bino. Nazali kobenga bino lisusu te « bawumbu, » pamba te mowumbu ayebaka te makambo oyo nkolo na ye asalaka. Nzokande, nazali kobenga bino « baninga na Ngai, » pamba te nayebisi bino makambo nyonso oyo nayekolaki epai ya Tata na Ngai.
Tango kaka Davidi asilisaki kosolola na Saulo, Jonatan akangamaki na Davidi mpe alingaki ye lokola ye moko.
Moto oyo asanganaka na bato ya bwanya akomaka moto ya bwanya, kasi moto oyo atambolaka nzela moko na bazoba akomona pasi.
Moto nyonso oyo azali na pasi asengeli na mawa ya baninga na ye, ata soki atiki kotosa Nkolo-Na-Nguya-Nyonso.
Kosundola te molingami na yo to molingami ya tata na yo, mpe kokende te na ndako ya ndeko na yo tango ozali na pasi; kozala na molingami ya pembeni ezali malamu koleka kozala na ndeko ya mosika.
Kozala molingami te ya moto ya kanda, mpe kosangana te na moto ya motema moto-moto, noki te okoyekola nzela na ye mpe okokangama na motambo na ye.
Bomikosa te: « Baninga mabe babebisaka bizaleli ya malamu! »