Mistari ya Biblia Kuhusu Kurudi kwa Mwana Mpotevu
Mistari 7 ya Biblia kuhusu Kurudi kwa Mwana Mpotevu ya kusoma, kutafakari, na kuikariri.
Nitainuka nirudi kwa baba yangu, nimwambie, “Baba, nimetenda dhambi dhidi ya mbingu na machoni pako. Sistahili tena kuitwa mwanao. Nipokee niwe mmoja wa vibarua wako.”’ Basi alianza safari, akarudi kwa baba yake. Baba yake alimwona akiwa bado mbali, na moyo wake ukajaa huruma. Akakimbia kumlaki, akamkumbatia na kumbusu kwa upendo.
Vivyo hivyo, nawaambia, mwenye dhambi mmoja anayetubu ataleta furaha kubwa zaidi mbinguni kuliko wenye haki tisini na tisa ambao hawana haja ya kutubu.
Mwanawe alimwambia, ‘Baba, nimetenda dhambi dhidi ya mbingu na machoni pako. Sistahili tena kuitwa mwanao.’ Lakini baba aliwaambia watumishi wake, ‘Harakisheni! Leteni joho lililo bora kuliko yote, mkamvike. Mvalisheni pete mkononi na viatu miguuni. Mleteni ndama tuliyekuwa tukimnenepesha, mchinjeni. Tule na kusherehekea, kwa maana mwanangu huyu alikuwa amekufa, na sasa yu hai tena. Alikuwa amepotea, na sasa amepatikana.’ Basi sherehe ikaanza.
Dhabihu ambazo Mungu anazikubali ni roho iliyopondeka. Moyo uliovunjika na kupondwa, Ee Mungu, wewe hutaukataa kamwe.
Ndivyo ilivyo, nawaambia: mwenye dhambi mmoja anapotubu, furaha inakuwako mbele ya malaika wa Mungu.”
Lakini ilistahili kabisa kusherehekea na kufurahi, kwa sababu ndugu yako huyu alikuwa amekufa, naye amekuwa hai tena; alikuwa amepotea, naye amepatikana.’”
Kama vile baba anavyowaonea huruma watoto wake, BWANA huwaonea upendo mwororo wote wamchao.