Mistari ya Biblia Kuhusu Huzuni ya Kimungu
Mistari 8 ya Biblia kuhusu Huzuni ya Kimungu ya kusoma, kutafakari, na kuikariri.
Huzuni inayofuata njia ya Mungu huleta toba iongozayo kwenye wokovu, toba ambayo hakuna mtu atakayeijutia kamwe. Lakini huzuni inayofuata njia ya ulimwengu huleta kifo.
Dhabihu ambazo Mungu anazikubali ni roho iliyopondeka. Moyo uliovunjika na kupondwa, Ee Mungu, wewe hutaukataa kamwe.
Tambueni unyonge wenu, mkaomboleze na kulia. Kicheko chenu kibadilike kuwa maombolezo, na furaha yenu iwe simanzi. Jishusheni chini mbele ya Bwana, naye atawainua juu.
Lakini yule mtoza ushuru alibaki amesimama kwa mbali, wala hakutaka hata kutazama juu mbinguni. Badala yake aliendelea kujipiga kifua, akisema, ‘Mungu, nihurumie mimi, mwenye dhambi!’
BWANA hukaa karibu na wale ambao mioyo yao imevunjika, na huwaokoa wale ambao roho zao zimepondeka.
Heri wale wanaoomboleza: watafarijiwa.
Ninaikiri hatia yangu waziwazi; dhambi yangu inanilemea kwa hofu.
Nimechoka kabisa kwa kuugua. Usiku baada ya usiku kitanda changu kinaogelea katika machozi yangu, na malazi yangu yanayeyuka ndani yake.