Mistari ya Biblia Kuhusu Jina la Yesu

ili mbele ya jina la Yesu kila goti lipinde, mbinguni, duniani na chini ya dunia, na kila ulimi utangaze waziwazi kwamba Yesu Kristo ni Bwana, na hivyo kumletea Mungu Baba utukufu.

Atazaa mtoto wa kiume, nawe utampa jina Yesu, kwa sababu ni yeye atakayewaokoa watu wake kutoka katika dhambi zao.”

Na lolote mtakaloomba kwa jina langu, nitalitimiza, ili ndani ya Mwana Baba atukuzwe. Mkiniomba chochote kwa jina langu, mimi mwenyewe nitakifanya.

Mtu huyu mnayemwona na kumjua amepewa nguvu na jina la Yesu, kwa njia ya imani katika jina hilo. Imani inayokuja kupitia yeye imempa afya kamili hapa mbele yenu nyote.

Ndiyo sababu Mungu amemwinua juu ya vyote, akampa kwa ukarimu jina lililo juu ya kila jina,

Katika yote mnayosema na yote mnayotenda, tendeni kwa jina la Bwana Yesu, na kupitia yeye mshukuruni Mungu Baba.

Jina la BWANA ni mnara wa ngome; wenye haki hulikimbilia wakalindwa juu salama.

Hizi, hata hivyo, zimeandikwa ili mwamini kwamba Yesu ndiye Kristo, Mwana wa Mungu, na kwa njia ya kuamini muwe na uzima katika jina lake.

basi ninyi nyote, na watu wote wa Israeli, mnapaswa kujua jambo hili: Limefanyika kwa jina la Yesu Kristo wa Nazareti, ambaye ninyi mlimsulubisha, na ambaye Mungu alimfufua kutoka kwa wafu. Kupitia yeye mtu huyu amesimama mbele yenu, akiwa mzima kabisa.

Baadhi yenu mliishi hivyo zamani. Lakini mmeoshwa mkawa safi; mmetakaswa; mmehesabiwa haki mbele za Mungu, katika jina la Bwana Yesu na kupitia Roho wa Mungu wetu.

Kwa kuwa popote wanapokutana wawili au watatu kwa jina langu, nipo hapo pamoja nao.”

Kwa maana “wote watakaoliitia jina la Bwana wataokolewa.”

Siku hiyo hamtaniuliza maswali yoyote. Kweli kweli nawaambia, mkimwomba Baba kitu chochote, atawapa kwa jina langu. Hadi sasa hamjaomba chochote kwa jina langu. Ombeni nanyi mtapokea, ili furaha yenu iwe kamili.

Ndipo kila atakayeliitia jina la Bwana ataokolewa.’