Mistari ya Biblia Kuhusu Upendo Wake wa Milele
Mistari 6 ya Biblia kuhusu Upendo Wake wa Milele ya kusoma, kutafakari, na kuikariri.
Kwa maana nina hakika kabisa kwamba si kifo wala uzima, si malaika wala watawala, si mambo yaliyopo sasa wala yale yatakayokuja, si nguvu zozote, si vilivyo juu sana wala vilivyo chini kabisa, wala kitu kingine chochote kilichoumbwa: hakuna kitakachoweza kutukatilia mbali na upendo wa Mungu, ambao ni wetu katika Kristo Yesu Bwana wetu.
Mshukuruni BWANA, kwa maana yeye ni mwema; upendo wake usiokoma unadumu milele.
Ilikuwa kabla kidogo ya sikukuu ya Pasaka. Yesu alijua kwamba saa yake ilikuwa imefika, saa ya kutoka katika ulimwengu huu kwenda kwa Baba. Alikuwa amewapenda walio wake waliokuwa ulimwenguni, naye aliwapenda mpaka mwisho.
Lakini upendo usiokoma wa BWANA unadumu tangu zama hadi zama juu ya wote wamchao, nayo haki yake inawafikia wajukuu wao,
Lakini Mungu ni tajiri wa rehema. Kwa sababu ya upendo mkuu aliokuwa nao kwetu, hata tulipokuwa wafu katika makosa yetu, alitufanya kuwa hai pamoja na Kristo. Mmeokolewa kwa neema.
Kwa maana BWANA ni mwema; upendo wake usiokoma hauna mwisho, na uaminifu wake unasimama tangu kizazi kimoja hadi kingine.