Mistari ya Biblia Kuhusu Yu Hai Daima Kutuombea
Mistari 7 ya Biblia kuhusu Yu Hai Daima Kutuombea ya kusoma, kutafakari, na kuikariri.
Kwa sababu hiyo anaweza kuwaokoa kikamilifu wale wanaomkaribia Mungu kupitia yeye, kwa kuwa yu hai wakati wote ili kuwatetea.
Ni nani atakayewatia hatiani? Kristo ndiye aliyekufa; zaidi ya hapo, alifufuliwa, naye yuko mkono wa kulia wa Mungu, ambapo anaomba kwa niaba yetu.
Kwa maana Kristo hakuingia mahali patakatifu palipotengenezwa kwa mikono, nakala tu ya kile kilicho halisi. Aliingia mbinguni penyewe, na huko sasa anajitokeza mbele ya uso wa Mungu kwa niaba yetu.
Wanangu wapendwa, nawaandikia haya ili msitende dhambi. Lakini mtu yeyote akitenda dhambi, tunaye mtetezi mbele ya Baba, Yesu Kristo, aliye mwenye haki.
Siombi kwa ajili ya hawa peke yao. Ninaomba pia kwa ajili ya wale watakaoniamini mimi kupitia ujumbe wao. Baba, naomba wote wawe wamoja. Kama vile wewe ulivyo ndani yangu, nami nilivyo ndani yako, vivyo hivyo nao wawe ndani yetu, ili ulimwengu upate kuamini kwamba wewe ndiwe uliyenituma.
Kwa maana Kristo hakuingia mahali patakatifu palipotengenezwa kwa mikono, nakala tu ya kile kilicho halisi. Aliingia mbinguni penyewe, na huko sasa anajitokeza mbele ya uso wa Mungu kwa niaba yetu. Wala hakuingia ili ajitoe mwenyewe tena na tena, kama kuhani mkuu aingiavyo mahali patakatifu kila mwaka na damu ya mwingine.
Basi, tuna kuhani mkuu mwenye ukuu aliyepita katikati ya mbingu: Yesu Mwana wa Mungu. Kwa hiyo na tuushike kwa uthabiti ukiri tunaoutamka. Kwa maana kuhani mkuu tuliye naye si mmoja asiyeweza kuguswa na udhaifu wetu; yeye amejaribiwa kwa kila namna, kama sisi tunavyojaribiwa, ila hakutenda dhambi. Basi tukaribie kiti cha enzi cha neema tukiwa na ujasiri, ili tupokee rehema na kupata neema inayotuletea msaada wakati ule ule tunapouhitaji.