Mistari ya Biblia Kuhusu Mwana-Kondoo wa Mungu
Mistari 10 ya Biblia kuhusu Mwana-Kondoo wa Mungu ya kusoma, kutafakari, na kuikariri.
Kesho yake Yohana alimwona Yesu akija kwake, akasema, “Tazama, huyu ndiye Mwanakondoo wa Mungu, anayeichukua dhambi ya ulimwengu!
Walisema kwa sauti kubwa, “Mwanakondoo aliyechinjwa anastahili kupokea uweza, utajiri, hekima, nguvu, heshima, utukufu na sifa!”
bali damu ya thamani ya Kristo, aliyekuwa kama mwanakondoo asiye na kilema wala doa.
Kisha, katikati ya kiti cha enzi na wale viumbe hai wanne, katikati ya wazee, nilimwona Mwanakondoo amesimama, akionekana kama aliyechinjwa. Alikuwa na pembe saba na macho saba; hayo ndiyo roho saba za Mungu, zilizotumwa katika dunia yote.
Alimkazia macho Yesu alipokuwa akipita, akasema, “Tazama, huyu ndiye Mwanakondoo wa Mungu!”
Ondoeni kila chembe ya hamira ya zamani, ili mwe donge jipya lisilo na hamira, kama mlivyo kweli. Kwa maana Kristo ametolewa dhabihu kama mwanakondoo wetu wa Pasaka.
Wanaimba wimbo mpya: “Wewe unastahili kulipokea gombo na kuivunja mihuri yake, kwa sababu ulichinjwa, na kwa gharama ya damu yako uliwanunua kwa ajili ya Mungu watu wa kila kabila na lugha na jamii na taifa.
Nikamjibu, “Wewe ndiye unayejua, bwana.” Akaniambia, “Hawa ndio wanaotoka katika dhiki kuu. Wameyafua mavazi yao katika damu ya Mwanakondoo na kuyafanya meupe.
Wao wamemshinda kwa damu ya Mwanakondoo na kwa neno la ushuhuda wao; hawakuyaona maisha yao kuwa ya thamani, hata walipokabiliwa na kifo.
Kifungu cha Maandiko alichokuwa akisoma ni hiki: “Kama kondoo alipelekwa kuchinjwa, na kama mwana-kondoo asiyetoa sauti anapokatwa manyoya, yeye hakufungua kinywa chake.