Mistari ya Biblia Kuhusu Msalaba
Mistari 11 ya Biblia kuhusu Msalaba ya kusoma, kutafakari, na kuikariri.
Kwa wale walio katika njia ya kuangamia, ujumbe wa msalaba ni upumbavu; lakini kwetu sisi tunaookolewa, ni nguvu ya Mungu.
Lakini mimi sitakubali kamwe kujisifu kwa kitu chochote isipokuwa msalaba wa Bwana wetu Yesu Kristo. Kupitia msalaba huo ulimwengu umesulubiwa kwangu, nami nimesulubiwa kwa ulimwengu.
Aliifuta hati ya deni, pamoja na amri zake, iliyoandikwa dhidi yetu na kusimama kinyume chetu. Ameiondoa njiani, akiipigilia misumari msalabani.
alijishusha mwenyewe, akawa mtiifu hadi kufa, kifo cha msalabani.
Yeye mwenyewe alizibeba dhambi zetu katika mwili wake mwenyewe hadi msalabani, ili tuachane na dhambi na tuishi kwa ajili ya haki. Kwa majeraha aliyoyapata ninyi mmeponywa.
Tumkazie macho Yesu, kiongozi aliyetutangulia katika imani na anayeikamilisha. Kwa ajili ya furaha iliyokuwa mbele yake, alivumilia msalaba na kuihesabu aibu yake kuwa si kitu, kisha ameketi upande wa kulia wa kiti cha enzi cha Mungu.
Na kwa upande wangu, nitakapoinuliwa kutoka duniani, nitawavuta watu wote kwangu mwenyewe.”
Niliamua hivi: nilipokuwa kati yenu, nisijue kitu kingine chochote ila Yesu Kristo, na yeye kama yule aliyesulubiwa.
Na mimi, ndugu, ikiwa bado ninahubiri tohara, mbona bado ninateswa? Kama ndivyo, msalaba ungekuwa umeacha kuwa kikwazo.
na ili kupitia msalaba awapatanishe na Mungu wote wawili, wakiwa mwili mmoja; kwa msalaba huo aliufisha uadui.
na kupitia yeye kuvipatanisha vitu vyote na yeye mwenyewe, akileta amani kwa damu ya msalaba wake: vitu vyote kupitia yeye, vya duniani na vya mbinguni pia.